Ордабасы ауданы Төрткүл ауыл округінде «Ауыл –Ел бесігі» бағдарламасы шеңберінде ішкі көшеге орташа жол жөндеу жұмыстары жүргізілді. Атап айтсақ, Арыстанды ауылы Аль-Фараби, Байарыстан, Желтоқсан, Ынтымақ, Атамұра, Жаңатұрмыс, Парасат көшелеріне асфальт жабындысы төселді.
Төрткүл, Қызылжар ауылдарында жаңа заманауи білім ошақтары бой көтеріп, осы жылдың желтоқсан айында пайдалануға беріледі деп күтілуде.
Сонымен қатар Еңбекші ауылынан фельдшерлік акушерлік пункт салынуда және Елшібек батыр ауылынан 200 орындық мектептің құрылысы басталып қазаншұңқыры (котлаван) қазылып, құрылыс жұмыстары жүргізілуде.
Одан бөлек жергілікті бюджет есебінен Көкарал ауылында ашық футбол алаңшасы, спортпен шұғылданатын “street workout” тұрғындардың игілігіне берілген. Ал осы жұмыстар есебінен ауылдың талай азаматы екі қолға бір күрек тауып еңбек етуде.