Ордабасы ауданының әкімі Азат Оралбаевтың тапсырмасына сәйкес «Таза Қазақстан» республикалық экологиялық акциясы аймақта өз жалғасын тауып жатыр.
Осы орайда Ордабасы ауданында кезекті жалпы сенбілік өтті. Сенбілік барысында аудан тұрғындары көше бойларын, арық-атыздарды күл-қоқыстан тазартты. Елді мекендерді көгалдандыру бағытында жол жиектеріне, күздік қарағаш көшеттері егілді.
Сенбілік қоғамның назарын, ауыл көшелерінің тазалығын сақтауға, экологиялық мәдениетті қалыптастыруда маңызы зор екендігін ескерген тұрғындар өз аумақтарында жаппай тазалық шарасына қатысып, ауданды көркейтуге өз үлестерін қосты. Ауданның көркі мен дамуы үшін маңызды болып саналатын аталған шарада аудан бойынша 21 500 түп ағаш көшеті егілді. Жалпы сенбілік жұмыстарына 4000-нан астам азамат атсалысыты.
