Ордабасы ауданындағы Ғ.Мұратбаев атындағы жалпы білім беретін мектебінде 11 сынып оқушыларының кәсіби бағдарын анықтау мақсатында «Мен таңдаған мамандық» тақырыбында мектептің ДБІЖО мұғалімі Сартай Анар және КББП мұғалімі Тұрғынбаева Жадыраның ұйымдастыруымен кездесу кеші өтті. Іс-шараға аудандық «Мансап» орталығының мамандары шақырылып, оқушыларға әртүрлі салалардағы мамандықтар туралы жан-жақты ақпарат берілді.
Кеш барысында мамандар оқушыларға еңбек нарығындағы сұранысқа ие мамандықтар, олардың ерекшеліктері мен болашағы туралы баяндады. Сонымен қатар, оқушыларға өз қабілеттерін, қызығушылықтарын және тұлғалық қасиеттерін анықтау арқылы дұрыс таңдау жасауға көмектесетін кеңестер берді.
Кездесуде интерактивті ойындар, мамандыққа қатысты викториналар және сұрақ-жауап сессиялары ұйымдастырылды.
Іс-шара ұйымдастырушылары мұндай кездесулердің оқушылар үшін болашақ мамандығын таңдауда үлкен көмек болатынын атап өтіп, «Мансап» орталығының мамандарына алғыстарын білдірді.