2013 жылдың 22 қарашасында Мемлекет басшысының қаулысымен қыркүйек айының соңғы жексенбісі «Еңбек күні» мерекесі болып еңгізілген болатын. Осыған орай, аудандық ішкі саясат бөлімі “Жастар ресурстық орталығы” КММ-нің ұйымдастыруымен еңбек адамдарына құрмет көрсетілді.
Шараның барысы нағыз еңбек адамын ұлықтау болды. Мақсат – өскелең ұрпақтың бойында еңбексүйгіштік қасиетін қалыптастырып, кәсіптегі қабілетін шыңдау.
Нажуанов Ерлан Абылаевич Қараспан су жүйесінде жұмыс атқарады. “Бұл салада жұмыс атқарғаныма 2-3 жылдың көлемі болды, қазір өз ісімнің маманы болдым десе де болады. Жұмыста қиындықтар болып тұрады, бірақ сонымен қатар, қызықшылықтары да көп”,-дейді Ерлан мырза.